Pullanabhana Smarane ಪುಲ್ಲನಾಭನ ಸ್ಮರಣೆ ಇಲ್ಲದೆ ಇರಲೊಲ್ಲೆ

ಪುಲ್ಲನಾಭನ ಸ್ಮರಣೆ ಇಲ್ಲದೆ ಇರಲೊಲ್ಲೆ

ಒಲ್ಲೆ ದುರಿತಗಳ ನಾನೊಲ್ಲೆ

ದುರ್ಜನ ಸಂಗವ ಎಂದೆಂದಿಗೂ ಒಲ್ಲೆ

ಸಜ್ಜನ ವಿರಸಗಲ ಒಲ್ಲೆ ಒಲ್ಲೆನೋ ಸ್ವಾಮಿ

ಅರ್ಜುನ ಸಖ ನಿನ್ನ ಸೇವೆಯ ಬಿಡಲೊಲ್ಲೆ

ಅಬ್ಜಬಾಣನ ಮೇಳ ಒಲ್ಲೆ ಒಲ್ಲೆನೋ ಸ್ವಾಮಿ

ಬಲ್ಲಿದ ಹರಿಪಾದ ಸೇವೆಯ ಬಿಡಲೊಲ್ಲೆ

ಸಲ್ಲದ ಸುಖಗಳ ಒಲ್ಲೆ ಒಲ್ಲೆನೋ ಸ್ವಾಮಿ

ಅಲ್ಲದ ಕರ್ಮಗಳ ಆಚರಿಸಲೊಲ್ಲೆ

ಖುಲ್ಲ ದೈವದ ಪೂಜೆ ಎಂದೆಂದಿಗೂ ಒಲ್ಲೆ

ಹರಿನಾಮ ಸ್ಮರಣೆಯ ಮನದಿ ಬಿಟ್ಟಿರಲೊಲ್ಲೆ

ದುರ್ವಿಷಯದಿ ಹರುಷ ಒಲ್ಲೆ ಒಲ್ಲೆನೋ ಸ್ವಾಮಿ

ಕರುಣಿ ಹಯವದನನ ಕಾಣದೆ ಇರಲೊಲ್ಲೆ

ಹರಿಯೇ ನೀನಲ್ಲದೆ ಅನ್ಯ ದೈವವನೊಲ್ಲೆ