Manava Shodhisabeku ಮನವ ಶೋಧಿಸಬೇಕು ನಿತ್ಯಾ

ಮನವ ಶೋಧಿಸಬೇಕು ನಿತ್ಯಾ

ದಿನ ದಿನ ಮಾಡುವ ಪಾಪ ಪುಣ್ಯದ ವೆಚ್ಚ

||ಮನವ||

ಧರ್ಮ ಅಧರ್ಮ ವಿಂಗಡಿಸಿ

ಅಧರ್ಮದ ನರಗಳ ಬೇರ ಕತ್ತರಿಸಿ ನಿರ್ಮಲಾಚಾರದಿ ಚರಿಸಿ

ಪರಬೊಮ್ಮ ಮೂರುತಿ ಪಾದಕಮಲವ ಭಜಿಸಿ

||ಮನವ||

ತನುವ ಖಂಡಿಸಿ ಒಮ್ಮೆ ಮಾಣೋ

ನಿನ್ನಮನವ ದಂಡಿಸಿ

ಪರಮಾತ್ಮನ್ನ ಕಾಣೋ||ತನುವ||

ಕೊನೆಗೆ ನಿನ್ನೊಳಗೆ ನೀ ಜಾಣೋ

ಮುಕ್ತಿ ನಿನಗೆ ದೂರಿಲ್ಲವು ಒಂದೇ ಗೇಣೊ

||ಮನವ||

ಆತನವರಿಗೆ ಕೇಡಿಲ್ಲ ,ಅವ ಪಾತಕ

ಪತಿತ ಸಂಗವ ಮಾಡುವನಲ್ಲ

||ಆತನವರಿಗೆ||

ನೀತಿವಂತರು ಕೇಳಿರೆಲ್ಲ

ನಮಗಾತನೆ ಗತಿ ಈವ ಪುರಂದರವಿಠಲ

||ಮನವ||