Mukhya Karana Vishnu ಮುಖ್ಯ ಕಾರಣ ವಿಷ್ಣು

ಮುಖ್ಯ ಕಾರಣ ವಿಷ್ಣು ಸ್ವತಂತ್ರನೇ ಸತ್ಯ |

ಸತ್ಯರ ಪೋಷಕ ಸಿರಿ ಅಜಭವಾದ್ಯಮರೇಶ ||

ಮುಖ್ಯ ಕಾರಣ ವಿಷ್ಣು ಸ್ವತಂತ್ರನೇ ಸತ್ಯ

ತಿಳಿವೆಂಬುವವ ನೀನೇ ತಿಳಿದು ತಿಳಿಸುವ ನೀನೇ

ತಿಳಿವ ವಸ್ತುವು ನೀನೇ ತೀರ್ಥಪದ ನೀನೇ |

ತಿಳಿದುದಕೆ ಫಲ ನೀನೇ ತಿಳಿಯಗೊಡದವ ನೀನೇ

ತಿಳಿವ ಸ್ವತಂತ್ರ ನಿನ್ನದು ತಿಳಿಸೋ ಸರ್ವೇಶ ||

ಧ್ವನಿ ವರ್ಣೋದಯ ಶಬ್ದ ವಾಚ್ಯನು ನೀನೇ

ಗುಣ ದೇಶ ಕಾಲ ಕರ್ಮಗಳು ನೀನೇ |

ತನುಕರಣ ವಿಷಯ ಮನ ಜೀವ ಸ್ವಾಮಿಯು ನೀನೇ

ಅಣು ಮಹಜ್ಜಗದ ಬಹಿರಂತರ್ವ್ಯಾಪಕನೇ ||

ವ್ಯಾಸ ಕಪಿಲ ಹಯಾಧ್ಯ ಧನ್ವಂತ್ರೀ ವೃಷಭ

ಮಹಿದಾಸ ದತ್ತಾತ್ರೇಯಾದಿ ಅಮಿತ ರೂಪ |

ಈಸು ರೂಪದಿ ಅಧಿಕಾರಿಗಳಿಗೊಲಿದು

ಪೋಷಕನು ಆದೇ ಕೃಪಾಳುವೇ ಶ್ರೀಶ ||

ಚೇತನನು ನಾನು ನೀ ಚೇಷ್ಟೆಯನು ಮಾಡಿಸಲು

ಅಚೇತನನು ಸರಿ ನೀನು ಸುಮ್ಮನಿರಲು |

ಯಾತರವ ನಾನಯ್ಯ ನಿನ್ನಾಧೀನವು ಏಲ್ಲ

ಚೇತನನು ಅಹುದು ನೀ ಚಲಿಸೆ ಚಲಿಸುವನು ||

ತಿಳಿಯೆನ್ನುವುದಕ್ಕಾಗಿ ತಿಳಿಯತಕ್ಕದ್ದು ನೀನೇ

ತಿಳಿಸೋ ಸೋತ್ತಮರು ತಿಳಿದ ಶೇಷ |

ತಿಳಿವಲ್ಲಿ ತಿಳುಪಲ್ಲಿ ತಿಳುವಣಿಕೆ ನೀನಾಗಿ

ಚಲಿಸದಲೇ ಮನ ನಿಲಿಸೋ ಗೋಪಾಲವಿಠಲ ||