Devi Suktam ದೇವಿ ಸೂಕ್ತಂ

ಓಂ ಸಿಂಹಸ್ಥಾ ಶಶಿಶೇಖರಾ ಮರಕತಪ್ರಖ್ಯೈಶ್ಚತುರ್ಭಿರ್ಭುಜೈಃ

ಶಂಖಂ ಚಕ್ರಧನುಶ್ಶರಾಂಶ್ಚ ದಧತೀ ನೇತ್ರೈಸ್ತ್ರೀಭಿಶ್ಶೋಭಿತಾ |

ಆಮುಕ್ತಾಂಗದಹಾರಕಂಕಣರಣತ್ಕಾಂಚೀರಣನ್ನೂಪುರಾ

ದುರ್ಗಾ ದುರ್ಗತಿಹಾರಿಣೀ ಭವತು ನೋ ರತ್ನೋಲ್ಲಸತ್ಕುಂಡಲಾ || ಧ್ಯಾನಂ||

ಅಹಂ ರುದ್ರೇಭಿರ್ವಸುಭಿಶ್ಚರಾಮಿ

ಅಹಮಾದಿತ್ಯೈರುತ ವಿಶ್ವದೇವ್ಯೈಃ |

ಅಹಂ ಮಿತ್ರಾವರುಣೋಭಾಬಿಭರ್ಮಿ

ಅಹಮಿಂದ್ರಾಗ್ನೀ ಅಹಮಶ್ವಿನೋಭಾ ||

ಅಹಂ ಸೋಮಮಾಹನಸಂ ಬಿಭರ್ಮಿ

ಅಹಂ ತ್ವಷ್ಟಾರಮುತ ಪೂಷಣಂ ಭಗಮ್ |

ಅಹಂ ದಧಾಮಿ ದ್ರವಿಣಂ ಹವಿಷ್ಮತೇ

ಸುಪ್ರಾವ್ಯೈ ಯಜಮಾನಾಯ ಸುನ್ವತೇ ||

ಅಹಂ ರಾಷ್ಟ್ರೀ ಸಂಗಮನೀ ವಸೂನಾಂ

ಚಿಕಿತುಷೀ ಪ್ರಥಮಾಯಜ್ಞಿಯಾನಾಮ್ |

ತಾಂ ಮಾ ದೇವಾವ್ಯದಧುಃ ಪುರುತ್ರಾ

ಭೂರಿಸ್ಥಾತ್ರಾಂ ಭೂರ್ಯಾವೇಶಯಂತೀಮ್ ||

ಮಯಾ ಯೋ$ನ್ನಮತ್ತಿ ಯೋ ವಿಪಶ್ಯತಿ

ಯಃ ಪ್ರಾಣಿತಿ ಯ ಈಂ ಶೃಣೋತ್ಯುಕ್ತಂ |

ಅಮಂತವೋ ಮಾಂ ತ ಉಪ ಕ್ಷಿಯಂತಿ

ಶ್ರುಧಿ ಶ್ರುತ ಶ್ರದ್ಧಿವಂ ತೇ ವದಾಮಿ ||

ಅಹಮೇವ ಸ್ವಯಮಿದಂ ವದಾಮಿ

ಜುಷ್ಟಂ ದೇವೇಭಿರುತ ಮಾನುಷೇಭಿಃ |

ಯಂ ಕಾಮಯೇ ತಂ ತಮುಗ್ರಂ ಕೃಣೋಮಿ

ತಂ ಬ್ರಹ್ಮಾಣಂ ತಮೃಷಿಂ ತಂ ಸುಮೇಧಾಮ್ ||

ಅಹಂ ರುದ್ರಾಯ ಧನುರಾ ತನೋಮಿ

ಬ್ರಹ್ಮದ್ವಿಷೇ ಶರವೇ ಹಂತ ವಾ ಉ |

ಅಹಂ ಜನಾಯ ಸಮದಂ ಕೃಣೋಮಿ

ಅಹಂ ದ್ಯಾವಾಪೃಥಿವೀ ಆ ವಿವೇಶ ||

ಅಹಂ ಸುವೇ ಪಿತರಮಸ್ಯ ಮೂರ್ಧನ್

ಮಮ ಯೋನಿರಪ್ಸು ಅಂತಸಮುದ್ರೇ |

ತತೋ ವಿತಿಷ್ಠೇ ಭುವನಾನು ವಿಶ್ವೋ-

ತಾಮೂಂ ದ್ಯಾಂ ವರ್ಷ್ಮಣೋಪ ಸ್ಪೃಶಾಮಿ ||

ಅಹಮೇವ ವಾತ ಇವ ಪ್ರವಾಮಿ

ಆರಭಮಾಣಾ ಭುವನಾನಿ ವಿಶ್ವಾ |

ಪರೋ ದಿವಾ ಪರ ಏನಾ ಪೃಥಿವ್ಯೈ-

ತಾವತೀ ಮಹಿನಾ ಸಂಬಭೂವ ||