Aagasake Modave ಅಗಸಕೆ ಮೋಡವೆ ಚೆಂದ

ಅಗಸಕೆ ಮೋಡವೆ ಚೆಂದ

ಧರೆಗೆ ನೀರು ಅಂದ |

ತನುಗೆ ಇಂದ್ರಿಯ ಚೆಂದ

ಎನಗೆ ಆತ್ಮವೆ ಅಂದ ||

ಅಗ್ನಿಗೆ ಜ್ವಾಲೆಯು ಚೆಂದ

ವಾಯುವಿಗೆ ವೇಗವೆ ಅಂದ |

ಇಂದ್ರಿಯಕೆ ಮನವು ಚೆಂದ

ಎನಗೆ ಆತ್ಮವೆ ಅಂದ ||

ಹೂವಿಗೆ ಪರಿಮಳ ಅಂದ

ಹಣ್ಣಿಗೆ ಸವಿಯೇ ಚೆಂದ |

ಮನಕೆ ಬುದ್ಧಿಯೆ ಚೆಂದ

ಎನಗೆ ಆತ್ಮವೆ ಅಂದ ||

ಧನಕೆ ಸಂಗ್ರಹವೆ ಚೆಂದ

ಗೃಹಕೆ ಶೃಂಗಾರವೆ ಅಂದ |

ಕಾಯಕೆ ಸೌಖ್ಯವೆ ಚೆಂದ

ಎನಗೆ ಆತ್ಮನೊಲವೆ ಅಂದ ||

ಸಾಗರಕೆ ಸೂರ್ಯನೆ ಚೆಂದ

ಪ್ರಕೃತಿಗೆ ಸಿರಿಯೆ ಅಂದ |

ಜೀವಕ್ಕೆ ಆತ್ಮವೆ ಚೆಂದ

ಆತ್ಮಗೆ ಆತ್ಮನೆ ಅಂದ ||