Bideno Bideno ninna ಬಿಡೆನೋ ಬಿಡೆನೋ ನಿನ್ನ ಚರಣ

ಬಿಡೆನೋ ಬಿಡೆನೋ ನಿನ್ನ ಚರಣ ಕಮಲವ

ಎನ್ನ ಹೃದಯ ಮಧ್ಯದೊಳಿಟ್ಟು ಭಜಿಸುವೆ ಅನುದಿನ

ಬಲಿಯ ದಾನವ ಬೇಡಿ ಅಳದೆ ಬ್ರಹ್ಮಾಂಡ

ನಳಿನೋದ್ಭವ ಬಂದು ಪಾದವ ತೊಳೆಯೆ

ಉಗುರಿನ ಕೊನೆಯಿಂದ ಉದಿಸಿದಳಾ ಗಂಗೆ

ಹರಿಪಾದ ತೀರ್ಥವೆಂದು ಹರ ಧರಿಸಿದನಾಗ

ಆಪತಿ ಶಾಪದಿ ಅಹಲ್ಯೆ ಸಾಸಿರಯುಗ

ಪಾಶಾಣವಾಗಿ ಪಥದೊಳು ಇರಲು

ಶ್ರೀಪತಿ ನಿನ್ನಯ ಶ್ರೀಪಾದ ಸೋಕಲು

ಪಾಪರಹಿತಳಾಗಿ ಪದಿ ಕಂಡಳಾಗ

ವಜ್ರಾಂಕುಶ ಧ್ವಜ ಪದುಮ ರೇಖೆಗಳಿಂದ

ಪ್ರಜ್ವಲಿಸುವ ನಿನ್ನ ಪಾದ ಪದ್ಮವನ್ನು

ಘರ್ಜಿಸಿ ಭಜಿಸುವೆ ಸಿರಿಹಯವದನನೆ

ಭವ ಜರ್ಝರ ಬಿಡಿಸುವನೆಂದು ನಂಬಿಹೆನಾಗಿ